मनकाे भावना

अगेनिमा मेरा आमाबाबा आगो ताप्दै थिए रे सुने एक्कासी हुरिबतास चल्यो,खरानी बनायो ।।

गजल-२०७३/१२/०८

मट्टितेल खन्यायो मन जल्यो,खरानी बनायो
र लाग्छ  उस्को ज्यानै गल्यो,खरानी बनायो ।।

ए महाशय गरिबको जिन्दगी भन्नू के नै हो र ?
सलाइको बट्टामा काटी दल्यो,खरानी बनायो ।।

यो संसारको नर संहार गर्नेहरु कति बढेछन
सल्लाघारिमा एक सिंठा बल्यो,खरानी बनायो ।।

राती श्रीमतिको कुटि कुटि हत्या गर्‍यो उस्ले
ला!छोराछोरिको आँखा छल्यो,खरानी बनायो ।।

अगेनिमा मेरा आमाबाबा आगो ताप्दै थिए रे
सुने एक्कासी हुरिबतास चल्यो,खरानी बनायो ।।

-सरोज पाठक
निलकण्ठ न पा-११,धादिङ।।

-झरी परेको त्यो साझ -सागर लामिछाने

चुपचाप बस्दै छ्न युवा गजलकार रुपक "संरक्षण" आखिर किन ?

               "गजल"

दुख  परेको  बेला चुपचाप बसेको छ
आँसु खस्दा परेला चुपचाप बसेको छ

सुकिला हातले करोडौं गनिरहेछन यहाँ
फुटेको यो हत्केला चुपचाप बसेको छ

मनमा  कुराहरु  अनियन्त्रित भएपछी
गुरु कराइराछ चेला चुपचाप बसेको छ

धनको  अभाव  भएपछी एक युवक
सबै बाट भयो हेला चुपचाप बसेको छ

एकान्तमा  दुख  अनि  आँसु साथी हुदा
उसलाइ कसले सम्झेला चुपचाप बसेको छ

रूपक ढुंगाना 'संरक्षण'
किरान्चोक-२ धादिङ
हाल काठमाडौ

तिमीलाई त म मजाले गर्भवती बनाइदिन्छु सक्छौ भने मलाई गर्भवती बनाएर देखाउ । अविशेक श्रेष्ठ वियोगी

फुर्सदको समयमा मुक्तकिला मन हरुलाई एकीकृत गर्दै जादा जस्तो भेटियो यता तेस्तै टासियो । प्रतिक्रियाको आसामा छौ । मित्र तेजस्वी नानूलाई धेरै धेरै  धन्यवाद ।
  मुक्तक सवाल जवाफ

१.
नारी जस्तै पराइ घर समाएर देखाउ ।
भित्र पीडा लुकाइ बाहिर रमाएर देखाउ ।

महिला जति गर्न सक्ने हिम्मत भए पुरुष ,
गर्भवती भइ बच्चा जन्माएर देखाउ ।
            तेजस्वी नानू

२.
दुख सुखमा मिलिजुली बाच्नुपर्छ ।
म पनि केहि गर्छु भनि आट्नुपर्छ ।

पुरुषले बच्चा जन्माउनु पर्छ भने
पहिले तिम्रो मेरो यौनाङ्ग साट्नुपर्छ ।
      अविशेक श्रेष्ठ वियोगी

३.
महिलाप्रति समान नजर आबश्यक छ।
हक अधिकार बराबर आबश्यक छ।

मर्द भए जसरी नि बच्चा जन्माउनु तिम्ले,
यौनाङ्ग साटफेर बेगर आबश्यक छ ।
           तेजस्वी नानू

४.
सक्छौ भने समानताको गीत गाएर देखाउ ।
केही गरि समाजमा अगाडि आएर देखाउ ।

तिमीलाई त म मजाले गर्भवती बनाइदिन्छु 
सक्छौ भने मलाई गर्भवती बनाएर देखाउ ।
         अविशेक श्रेष्ठ वियोगी

५.
आउने छु एकदिन सबलाइ पछारि आउने छु ।
पुरुष लाई कैयौ कोष पछि पारि आउने छु ।

चानचुने नसोच्नु हाम्लाइ पुरुष महासय,
बनेर असल सभ्य नारी आउने छु ।
          तेजस्वी नानू
६.
आफ्नो ठाँउमा आफै ठुला छन घमण्ड नगर्नु
आफैले आफैलाई कहिल्यै सजाय दण्ड नगर्नु

नारी पुरूष एकै रथका दुई पाङ्ग्रा भन्छन
चलि आएको नियमलाई खण्ड खण्ड नगर्नु ।
        अविशेक श्रेष्ठ वियोगी

७.
हाम्ले होइन यो कुरा सिक्नु पर्छ तिम्ले ।
मानसिकता को नराम्रो सोच झिक्नु पर्छ तिम्ले ।

बिचार होइन व्यबहार मा देखाउ यो कुरा,
रथ को अर्को पाङ्गा भै टिक्नु पर्छ तिम्ले ।
           तेजस्वी नानू

८.
सबैलाई उस्तै देख्ने तिम्रो नजर बैमानी ।
नारी पुरूष एकै भन्न गर्छौ आनाकानी ।

रोजी असल पुरूष खाली सिउदो भर अब
दाईको छोरो खेलाउदैमा जाला जवानी ।
       अविशेक श्रेष्ठ वियोगी

९.
यो जिन्दगी सम्हाल्ने अाको छैन कोही ।
मनले चाहेजस्तो अझै पाको छैन कोही ।

भावनालाई बुझ्ने मान्छे बन्न सक्छौ भने,
तिमी आउ अरु मेरो भाको छैन कोही ।
           तेजस्वी नानू
१०.

धर्तीमा बसी सक्दिन दिन  जुन तिमीलाई
दुख सुखमा साथ दिन्छु पार्दिन रून तिमीलाई

मैले मात्र बुझेर हुदैन बुझ्नुपर्छ तिमीले पनि
कसैले पनि रोक्न सक्दैन मेरो हुन तिमीलाई
        अविशेक श्रेष्ठ वियोगी

११.
चाहिन्न जुन मलाइ प्यार भए पुग्छ ।
म प्रती तिम्रो स्वच्छ बिचार भए पुग्छ ।

तिमी भए जुन म सङ्गै हुन्छ प्यारा,
सुखदुखमा साथ दिने आधार भए पुग्छ ।
            तेजस्वी नानू

सुत्र कथा : विद्यार्थी

 

सुत्र कथा : विद्यार्थी
अविशेक श्रेष्ठ वियोगी ‌
कपाल खैरो पारेको कानमा मुन्द्रा लगाएको केटो हातमा चुरोट लिएर टेप्पो चढ्न लाग्यो । टेम्पो ड्राइभरले गाडी भित्र चुरोट नखाउ भनेपछि चुरोट फ्याक्यो । टेम्पोमा चढेपछी मुखमा गुटखा चपाउदै पिच्च थुक्दै बसिरह्यो । गन्तव्यमा पुगेपछि भाडा तिर्ने बेलामा  विद्यार्थी कार्ड देखाउदै केटो बोल्यो "दाजु भाडा कति हो कार्ड छ । "

सुस्मिता जिज्ञासु र गजलकार कपिल मणि को धमाकेदार मायाले ओतप्रोत; मुक्तक सवालजवाफ

मुक्तक दाेहाेरी
गाउँबेसि र मेलापातमा धाउन अाउनुहाेला
डाँडा पाखा सँग माया लाउन  अाउनुहाेला
प्यासि बनी मरुभूमिमा कति दिन छट्पटिनु
छिट्टै फर्कि मेरा प्यारा रमाउन अाउनुहाेला ।

सुस्मिता अर्याल

कुरि बस्नु अर्को साल रमाउन अाउनेछु म
डाँडा पाखा सँगै माया लाउन अाउनेछु म
परदेश बाट छिट्टै घर फर्किएर डाेली लिई
तिमिलाई नै जिन्दगानी बनाउन अाउनेछु म ।

कपिल मणी

डाँडा पाखा तिमीलाई नै सुसेल्छन् भाकाहरु
अाउछु मात्रै भन्छन् तर फर्कदैनन्  गाकाहरु
हरेक  साझ तिमीलाई कुरि बस्छु चाैतारिमा
कुर्दा कुर्दा थाकि सके अब त यी अाँखाहरु ।

सुस्मिता अर्याल

यता पनि उस्तै छ हाल सानी तिम्रो जस्तै ।
बगिरहन्छन्  अाँखामा पानी तिम्रो जस्तै ।
अाउछु भन्छु अर्काकाे देश बिदा मिल्दैन
मेराे पनि  भएको छ कहानी तिम्रो जस्तै ।

कपिल मणी

हाे एउटै मुटु दुई तिर हुँदाकाे पीडाले ।
तिम्रै यादले एकान्तमा रुदाकाे पीडाले
भकानिन्छ मुटु फुट्ला जस्ताे हुन्छ छाति
चराएकाे घाँउमा बचन छुदाँकाे पिडाले ।।

सुस्मिता अर्याल

नराेउ बिन्ती सम्झिएर अमुल्य ती अाँसु झारी
जादैन  म कहिपनि  तिम्रो चाेखाे  माया मारी
भरमा पर बिश्वास गर तिम्रै लागि बाँचेकाे छु
बस्न मन त कहाँ छ र तिमिलाई घरमा एक्लै पारी

कपिल मणी

तिम्रै पिरले खाना पनि नरुचेर चाराे हुन्छ
समाजकाे कुरा सुन्न मलाई अति साराे हुन्छ
म त मन बुजाउला जसाेतसाे तस्बिर हेरि
छाेराले बाबा भन्दा मन बुझाउन गाह्राे हुन्छ।

सुस्मिता अर्याल

जसाेतसाे गरि बस मन बुझाउदै सानू ।
घरमा जेछ मिठाे, मसिनो त्यहि खानु ।।
बालबच्चाकाे स्याहारसुसार राम्रोसँग गरि
स्कुलसम्म डाेराएर तिमि अाफै लैजानु ।

कपिल मणी

भनेकाे नमानि जिद्दी हुन्छन् त के गरुँ म
तिम्लाई सम्झि परेलि धुन्छन् त के गरुँ म
सबका बाबा स्कुल पुर्‍याउन जादा खेरि
हाम्रो बाबा खै भनी रुन्छन् त के गरुँ  म

सुस्मिता अर्याल

मेराे पनि माया देउ पुग्नेगरी बालबच्चालाई
हुर्काउनु  पढाउनु  सधैंभरि  बालबच्चालाई
मिठाे माया मनभित्रकाे सुनाईदिनु चिठि पढि
सम्झना छ तिमि अनि बराबरी बालबच्चालाई

कपिल मणी

अाँगालेर तिम्रो तस्बिर छाति भित्र बेर्दैछन्
प्रतिक्षाकाे सुस्केरामा लामाे श्वास फेर्दैछन्
याे साल त मेराे बाबा घर अाउनु हुन्छ भन्दै
बाबुनानी सधैं तिमी अाउने बाटाहरु हेर्दैछन् ।

सुस्मिता अर्याल

कुरेर बस्नु  हेरेर बाटाे अाउछु पियारी ।
बाेकेर खुसी पाेल्टाभरि ल्याउछु पियारी ।
सम्झाउ नानीबाबुलाई तिमी जसरी भए नि
अाएर बरु मैले फेरि सम्झाउछु पियारी ।।

कपिल मणी

स्वच्छ अनि मायालु त्याे मन लिएर अाउनु
सँगसँगै अाफ्नाे नेपाली पन लिएर अाउनु
यत्रो समय त कुर्याै अझ कुर्राैला बरु केही
तर अाउदा बिन्ती! प्याराे तन लिएर अाउनु

सुस्मिता अर्याल

मेराे सारा  तन मनकि रानी हाै तिमी
मैले हेर्ने यी अाँखाका नानी हाै तिमी
तिमी बिना एकपल पनि बाच्न सक्दिनँ
मैले फेर्ने सास मेराे जिन्दगानी हाै तिमी

कपिल मणी

यसरी नै सधै मनकि रानी बनाई राख्नु
अनि ती अाँखाकाे नानि  बनाई  राख्नु
अजम्बरि हाम्रो नाता कहिलै नताेड्नु
त्याे मनमा मायाकाे खानि बनाई राख्नु

सुस्मिता अर्याल

खबर  केछ गाउको सानी असार लाग्याे रे
झमझम पर्छ दिनरात पानी असार लाग्याे रे
बर्खाकाे बेला घरमा बस्नु कहि कतै नहिड्नु
गरेर हेरचाहा बाबू र नानी असार लाग्याे रे ।।

कपिल मणी

हरियाली त्याे वन पाखाले बाेलाउदै छन्
प्रतीक्षारत मेरा यी अाँखाले बाेलाउदै छन्
गैरि खेतमा राेपाई गर्न झरेका सखिहरुले
हजुरलाई अषारे भाकाले बाेलाउदै छन् ।।

सुस्मिता अर्याल

असारमा  गाकाे भाका सुन्न मन लागेको छ
तिम्राे माया मलाई सानी झनझन लागेको छ
अब धेरै बस्दिन म तिमिलाई छाेडि परदेशमा
तिमी उता हुदा यता साह्रै टेन्सन लागेको छ ।

कपिल मणी

सबैलाई धेरै धेरै धन्यवाद छ पढेर प्रतिक्रिया दिनुभएकोमा !!mmm

नेपाललाई नेपाल बनाउन मन छ