Sunday, January 29, 2017

वियाेगी र खुशी बिच भएका केही मुक्तक सवाल जवाफहरू

मनको भावना 11:16 PM मुक्तक दोहोरी 1 comment :

फुर्सदको समयको सदुपयोग गर्दै साहित्यलाई पछ्याउने क्रममै चाेमु शेर्पा खुशी जि सँग मुक्तक सवाल जवाफ गर्ने अवसर प्राप्त भयो ।त्यसैले यता सम्झना स्वरुप वालमा राख्न चाहेकाे हो । सम्पुर्ण साहित्यिक मनहरू बाट प्रतिक्रिया को आशा राख्दछु ।

मुक्तक न.१
भेटियौ फेसबुकमा गोरी परिछौ ।
ताप्लेजुङकी शेर्पाको छोरी परिछौ ।
पहिलो भेटमै मिठो बोलि गर्यो ।
सुटुक्कै दिल चोर्ने मोरी परिछौ ।

अविशेक श्रेष्ठ "वियोगी"
न.२
गोरखाको काले तिमी बियोगी रहेछौ।
मुक्तक लेख्न अझ माहिर भोगी रहेछौ।
नचोरी दिल चोर बनाएर मलाई अचम्म
अरुको दिलमा बस्ने मायाको रोगी रहेछौ।
चोमु शेर्पा "खुशी"
न.३
तिमी गोरी म काले हाम्रो तन मिल्ला र ?
तिमी खुसी म वियोगी हाम्रो मन मिल्ला र ?
तिमी धनि बाबुको छोरी होलाउ क्यारे
म त दुख पाएको मान्छे हाम्रो धन मिल्ला र ?
अविशेक श्रेष्ठ "वियोगी"
न.४
रङ मा फरक हेर्न आउदैन मलाई ।
नाम सङ्ग मन फेर्न आउदैन मलाई ।
धनको कुरा मेरो सामु नगरेकै बेस
घमण्डले जीवन घेर्न आउदैन मलाई।
चोमु शेर्पा "खुशी"
न.५
तिम्रै नाम बनाउन हात काट्नु पर्ला जस्तो छ ।
यो मुटु र त्यो मुटु सुटुक्क साट्नु पर्ला जस्तो छ ।
हेर्दा हेर्दै मंसिर गयो पुसमा हुन्न भन्छन ।
माघमा लगन जुराएर आट्नु पर्ला जस्तो छ ।
अविशेक श्रेष्ठ "वियोगी"
न.६
सपना यो मुटुको नदेख्दा हुन्छ
काटेर हात नाम नलेख्दा हुन्छ
आट्ने बेला कटिगो मेरो त अब
यो दिलमा पाइला नटेक्दा हुन्छ।।
चोमु शेर्पा "खुशी"
न.७
लाउदिन म यदि माया लाउनु पाप हो भने
गलाउथ्यो पत्थर प्रेम आगोको राप हो भने
वियोगी हुँ योगी जीवन बिताईदिउला बरू
कसैलाई दिलमा सजाउनु अभिशाप हो भने।
अविशेक श्रेष्ठ "बियोगी"
न.८
पाप होइन हुनत अमृत पनि हो माया ।
पत्तै हुदैन कुन बेला हुन्छ दायाँबायाँ
अनि थाल्छ पिरोल्न गाह्रो हुन्छ ज्युन
उज्यालोनै छेकि दिने बनी दिन्छ छाया ।
चोमु शेर्पा "खुशी"
न.९
माया गर्छु भन्दा तर्किन्छौ किन ?
अनयासै पछाडी फर्किन्छौ किन ?
जुनी जुनी साथ दिन्छु भन्दा पनि
अर्कै बाटो तिर लर्किन्छौ किन ?
अविशेक श्रेष्ठ "बियोगी"
न.१०
घृणा लाग्छ साचो प्रेम गर्छु भनी ढाट्छन् धेरै
स्वार्थ पूरा गर्न सयौं सङ्ग झुटो मन साट्छन् धेरै
जुनि जुनि साथ कसैले कसैलाई दिन सक्दैनन्
यता ठिक्क परि अन्त प्रेमका डोरि बाट्छन धेरै ।
चोमु शेर्पा "खुशी"

न.११
सक्दिन म ल्याउन त्यो आकाशको जुन।
सुख दुख त्यस्तै हो कहिल्यै पार्दिन रून।
बहलाउ मन, चाखि हेर मायाको स्वाद
माया बिना बाचेको मान्छे छ आखिर कुन।
अविशेक श्रेष्ठ "बियोगी"

न.१२
भो मलाई चाहिएन आकाशको जुन पनि
सुन्नु छैन मन बहलाउने बिरहको धुन पनि
बस्दैन माया सुखको चाहाले या चाखेर
महत्व नभए पित्तल झै देखिन्छ सुन पनि ।
चोमु शेर्पा "खुशी"

न.१३
तिम्रो लागि आउने ब्यबधान छेक्छु अब।
तिमीलाई पाउने मृग तृष्णा देख्छु अब ।
एकोहोरो भए पनि माया गर्छु तिमीलाई
तिम्रै दिलमा छाउने तिम्रै नाम लेख्छु अब।
अविशेक श्रेष्ठ"वियोगी"